កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បញ្ជូនចោរលួចម៉ូតូម្នាក់ទៅតុលាការ
18-May-2019 | ដោយ ពលមនសិការ
ភ្នំពេញ៖ កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានឃាត់ខ្លួនជនសង្ស័យម្នាក់ កាលពីថ្ងៃទី១៦ ខែឧសភា ឆ្នាំ២០១៩ វេលាម៉ោងប្រហែល២០និង៤៤នាទី នៅចំណុចស្តុបណតប្រ៊ីដ ផ្លូវលេខ២០០៤ កែងផ្លូវលេខ១០១៩ សង្កាត់អូរបែកក្អម ខណ្ឌសែនសុខ រាជធានីភ្នំពេញ ពីបទអំពើលួច (យកម៉ូតូម៉ាកស៊ុយហ្សុយគីនិច ពណ៌ស ពាក់ស្លាកលេខ កំពង់ឆ្នាំង 1H-3835 មិនបានសម្រេច) នៅចំណុចមុខផ្ទះលេខ១២៥A ផ្លូវបុរីភ្នំពេញថ្មី ភូមិអ័រគីដេ សង្កាត់អូរបែកក្អម ខណ្ឌសែនសុខ រាជធានីភ្នំពេញ។
លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានឱ្យដឹងថាជនសង្ស័យឈ្មោះ ជីន ចន ភេទប្រុស អាយុ២២ឆ្នាំ ជនជាតិខ្មែរ មុខរបរជាងផ្សាដែក ស្នាក់នៅភូមិផ្សារតូច សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។
វត្ថុតាងចាប់យកៈម៉ូតូម៉ាក អាយខុន ពណ៌សផ្កាឈូក ឆ្នាំផលិត២០១០ លេខតួ-លេខម៉ាស៊ីន៨០០២៣៨៦ ពាក់ស្លាកលេខ កំពត 1C-5480។
បច្ចុប្បន្នជនសង្ស័យ និងវត្ថុតាងខាងលើ ការិយាល័យកសាងសំណុំរឿងបញ្ជូនទៅសាលាដំបូងរាជថានីភ្នំពេញ ចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ2211
- ម្សិលមិញ6261
- សប្តាហ៍នេះ20591
- ខែនេះ135741
- ឆ្នាំនេះ135741
- សរុប20578197